Ներդրումների աշխարհ մուտք գործելը կարող է բարդ թվալ, հատկապես երբ գործիքներն ու աղբյուրները բազմաթիվ են։ Այս հոդվածում առանձնացրել ենք վստահելի հարթակներ և ռեսուրսներ, որոնք կօգնեն կատարել հիմնավորված ներդրումային որոշումներ։
Բաժնետոմսերի գներ և գրաֆիկներ
TradingView, Koyfin.com, Investing.com, Finviz
Այս հարթակներում կարելի է հետևել բաժնետոմսերի գների փոփոխությանը: Դրանք տրամադրում են արդիական (real-time) տեղեկություններ շուկայի տնտեսական ցուցանիշների, ֆինանսական գործիքների, դրանց գների դինամիկայի և գործարքների ծավալի մասին: Հարթակներն ապահովում են նաև տեխնիկական վերլուծության համար անհրաժեշտ գործիքակազմ: Պակաս կարևոր չէ, որ դրանք վստահելի են, իսկ օգտագործման տեսանկյունից` հարմար:
Ֆինանսական և տնտեսական նորություններ
CNBC, Market watch, Yahoo Finance, Reuters, Barchart, Bloomberg
Այս կայքերի շնորհիվ հնարավոր է միշտ տեղյակ լինել ֆինանսական աշխարհի վերջին զարգացումներից. կգտնես տարբեր ֆինանսական նորություններ, ընկերությունների վերլուծություններ և ներդրումային ռազմավարություններ:
Ուսուցողական նյութեր
Investopedia, The Motley Fool
Այս կայքերը յուրօրինակ ֆինանսական հանրագիտարաններ են, որտեղ կարելի է գտնել հետաքրքրող ցանկացած ֆինանսական տերմինի կամ երևույթի բացատրությունը: Այստեղ բարդ տնտեսական երևույթները ներկայացվում են պարզ բառերով:
Իսկ նույնը հայերեն կարդալու համար կօգնեն Ամերիաբանկի տելեգրամյան և յութուբյան ալիքները։
Մակրոտենտեսական ցուցանիշներ
Trading Economics
Եթե հետաքրքրում են այս կամ այն երկրի մակրոտնտեսական ցուցանիշները, օգնության կգա Trading Economics-ը: Այստեղ կարելի է գտնել աշխարհի 196 երկրի ավելի քան 20 մլն տնտեսական ցուցանիշ, արտարժույթի փոխարժեքների, պետական պարտատոմսերի եկամտաբերության և ապրանքահումքային ակտիվների` նավթի գազի, ոսկու և այլնի գների մասին տվյալներ: Դրանք հիմնված են բացառապես պաշտոնական աղբյուրների վրա: Բացի այդ, Trading Economics-ը ներկայացնում է ինչպես ցուցանիշների պատմական փոփոխությունը, այնպես էլ կանխատեսումներ հնարավոր զարգացումների մասին:
Վերլուծություններ և բաժնետոմսերի գնահատում
Morningstar, TipRanks, Seeking Alpha
Այստեղ կան բաժնետոմսերի, ETF-ների և այլ արժեթղթերի մասին ամբողջական տեղեկատվություն և վերլուծություններ: Կայքերը հաշվարկում են բաժնետոմսերի իրական արժեքը, սահմանում թիրախային գներ ֆինանսական գործիքների համար և ռեյթինգավորում արժեթղթերը:
Ճշգրիտ և թարմ տվյալները խելամիտ ներդրումներ կատարելու կարևոր նախապայման են: Իսկ այս գործիքներն ու հարթակները հաստատ կօգնեն այդ հարցում։
Իսկ Ամերիաբանկի ներդրումային հարթակի՝ MyInvest-ի միջոցով հնարավոր է ընդամենը 5 րոպում բացել բրոքերային հաշիվ, տեսնել ու գործարքներ կատարել միջազգային և հայկական շուկաներում: Ամերիաբանկի հաճախորդ կարող եք դառնալ օնլայն՝ այստեղ։
Ոլորտը ուսումնասիրելու, սովորելու և լրացուցիչ եկամուտի աղբյուր ստեղծելու ժամանակն է։
Կարդացե՛ք նաև.
