Եվրամիությունը վերջապես համաձայնության է եկել արհեստական ինտելեկտի կիրառումը կարգավորող աշխարհում առաջին օրենքի շուրջ։
Փաստաթուղթը սահմանում է «համապարփակ կանոններ» AI տեխնոլոգիաների համար և հիմնված է ինքնավար տրանսպորտում, բժշկական սարքերում, ֆինանսական ծառայություններում և կրթության մեջ դրանց օգտագործման ռիսկերի գնահատման վրա:
Օրենքը սահմանում է արհեստական ինտելեկտի կարգավորման հստակ մոտեցում: Մասնավորապես, իսպառ արգելվելու է այսպես կոչված «սոցիալական վարկանիշային» համակարգերի կիրառումը, որոնք քաղաքացիներին դասակարգում են նրանց տվյալների վերլուծության հիման վրա։
Արգելվում է նաև կանխատեսող մոդելավորումը ոստիկանության կողմից օգտագործման համար և հուզական ճանաչման օգտագործումը աշխատավայրերում և դպրոցներում։
Բարձր ռիսկային AI համակարգերը, ինչպիսիք են ինքնավար մեքենաները, բժշկական սարքերը, ֆինանսական և կրթական ծառայությունները, կգնահատվեն քաղաքացիների առողջությանը, անվտանգությանը և իրավունքներին սպառնացող վտանգներից ելնելով: Բացի այդ, օրենքը խիստ սահմանափակումներ է մտցնում գեներատիվ AI համակարգերի համար, որոնք ներառում են, օրինակ, ChatGPT-ին:
Օրենքն ամբողջությամբ կգործի առնվազն 12 ամիս անց, իսկ արդեն իսկ գոյություն ունեցող համակարգերը, ինչպիսիք են ChatGPT-ը, Gemini-ն և Copilot-ը, կստանան 36 ամիս անցումային շրջանի հնարավորություն՝ նոր նորմերին համապատասխանելու համար:
Օրենքը խախտելու համար ընկերությունները կտուգանվեն մինչև 35 մլն եվրո կամ տարեկան հասույթի 7%-ը։ Սա առաջին հերթին կանդրադառնա ամերիկյան տեխնոլոգիական հսկաների՝ Google-ի, Microsoft-ի և OpenAI-ի վրա:
ԵՄ օրենսդրության փոփոխությունը տեղի է ունեցել 2022 թվականի նոյեմբերին՝ OpenAI ChatGPT-ի գործարկումից հետո: Այնուհետև, պաշտոնյաները հասկացան, որ գործող օրենսդրությունում բացակայում են մանրուքներ, որոնք կարևոր են գեներատիվ արհեստական ինտելեկտի կողմից հեղինակային իրավունքով պաշտպանված նյութերի օգտագործման կարգավորման համար:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
