Bloomberg-ի գնահատմամբ՝ Իրանի միջուկային օբյեկտների դեմ ԱՄՆ հարվածները կարող են նպաստել նավթի գների աճին՝ մինչև 100 դոլար մեկ բարելի համար։
Արդեն իսկ նշվում է, որ Brent տեսակի նավթը թանկացել է 11%-ով Իսրայելի հարվածների սկզբից ի վեր, իսկ բորսայական վերլուծաբանները կանխատեսում են գների հետագա աճ։
Նման սցենարը կարող է ավելի սրվել, եթե Իրանն արձագանքի ԱՄՆ-ի դեմ ուղղված հարվածներով կամ փակելով Օրմուզի նեղուցը, որի միջով անցնում է համաշխարհային նավթի զգալի մասնաբաժինը։
Այնուամենայնիվ, ներկայումս վառելիքի մատակարարումների խափանում չի արձանագրվել։ Վերլուծաբանները հիշեցնում են, որ 2019 թվականին Saudi Aramco-ի դեմ հարվածներից հետո շուկան արագ վերականգնվել էր, սակայն ներկա իրավիճակը մնում է անկանխատեսելի։
