Հայաստանի ստարտափ համայնքը պատրաստվում է աննախադեպ իրադարձության՝ «Startup Grind Yerevan»-ի Pitch Battle-ին, որը համախմբում է աշխարհի լավագույն նորարարներին և ստարտափերի հիմնադիրներին:
Մրցույթը կանցկացվի 2025 թվականի հունվարի 15-ին Երևանում, որտեղ ստարտափերի հիմնադիրները հնարավորություն կունենան իրենց գաղափարները ներկայացնել փորձագետ ժյուրիին և ակտիվ լսարանին:
Հաղթողները կհամալրեն համաշխարհային կիսաեզրափակիչ փուլը, որը տեղի կունենա հունվարի 21-ին, և, հաջողության դեպքում, կմասնակցեն եզրափակչին՝ հունվարի 23-ին:
Հաղթողին սպասվում են բացառիկ մրցանակներ՝ $4,999 արժեքով Scaleup ծրագիր, SG Global Conference-ի գլխավոր բեմում ելույթի հնարավորություն և պրեմիում ցուցահանդես: Երևանյան հաղթողին տրամադրվում է SG Global Conference-ի լիարժեք մուտքի տոմս:
Մրցույթին մասնակցելու համար ստարտափը պետք է հիմնված լինի տեխնոլոգիաների վրա, ունենա մասշտաբավորվելու և կրկնվելու հնարավորություն, ինչպես նաև գտնվի զարգացման տարբեր փուլերում՝ bootstrap-ից մինչև Series A ֆինանսավորման փուլ:
Մասնակցության հայտը և այլ մանրամասներ կգտնեք այստեղ, իսկ տոմս գնել կարող եք այստեղ։
